மெல்போர்ன் பிரஸ்டன் பகுதியில் உள்ள பல கடைகளில் ஏற்பட்ட தீ விபத்து பரபரப்பை ஏற்படுத்தியுள்ளதாக செய்தி வெளியாகியுள்ளது.
எப்படியிருப்பினும் தீயணைப்பு வீரர்களினால் தீ அணைக்கப்பட்டுள்ளது.
அதிகாலை 03 மணியளவில் மர தளபாடங்கள் கடை மற்றும் அதனை ஒட்டியுள்ள பல கடைகளில் தீ விபத்து ஏற்பட்டுள்ளது.
இங்கு யாருக்கும் காயம் ஏற்படவில்லை என தெரிவிக்கப்படுகின்றது.
எப்படியிருப்பினும், கடும் புகை மூட்டத்தால் அருகில் உள்ள 20 முதல் 50 வீடுகளில் வசிப்பவர்கள் பாதுகாப்பான இடங்களுக்கு மாற்றப்பட்டனர்.
தற்போது 60க்கும் மேற்பட்ட தீயணைப்பு வீரர்கள் தீயை முற்றிலும் கட்டுப்படுத்தியுள்ளனர்.
