ஆஸ்திரேலிய விமான நிலையங்களில் இனி முகக்கவசங்கள் கட்டாயமில்லை என அறிவிக்கப்பட்டுள்ளது.
ஆஸ்திரேலிய சுகாதார பாதுகாப்பு அமைப்பின் இந்த பரிந்துரையை நாடு முழுவதும் உள்ள விமான நிலையங்கள் வரவேற்றுள்ளன.
தற்போதைய கொரோனா நிலைமை பற்றிய தேசிய மதிப்பாய்வைத் தொடர்ந்து ஆஸ்திரேலிய சுகாதார பாதுகாப்பு அமைப்பு தனது பரிந்துரையை செவ்வாயன்று வெளியிட்டுள்ளது.
அதற்கமைய, அனைத்து மாநிலங்களும் பிரதேசங்களும் சமூகத்தில் உள்ள பெரும்பாலான அமைப்புகளில் முகக்கவசம் அணிவது தொடர்பான கட்டுப்பாடுகளை தளர்த்தியுள்ளன என்று ஆஸ்திரேலிய சுகாதார பாதுகாப்பு அமைப்பு தெரிவித்துள்ளது.
விமான நிலைய முனையங்களில் முகக்கவசம் அணிவதை எதிர்வரும் 17ஆம் திகதி நள்ளிரவு முதல் கட்டாயமாக்க முடியாது என்று ஆஸ்திரேலிய சுகாதார பாதுகாப்பு அமைப்பு வலியுறுத்தியுள்ளது.
