எதிர்வரும் ஜூலை மாதம் முதலாம் திகதி முதல் பலாலி சர்வதேச விமான நிலையத்திற்கான விமான சேவைகளை மீள ஆரம்பிப்பதற்கு திட்டமிடப்படுவதாக துறைமுகங்கள், கப்பற்றுறை மற்றும் விமான சேவைகள் அமைச்சர் நிமல் சிறிபால டி சில்வா தெரிவித்துள்ளார்.
பலாலி விமான நிலையத்திற்கு நேற்று கண்காணிப்பு விஜயம் ஒன்றினை மேற்கொண்டதன் பின்னர் கருத்துரைத்த போதே அவர் இதனைக் குறிப்பிட்டுள்ளார்.
தற்போது காணப்படும் வசதிகளுக்கு அமைய பலாலி விமான நிலையத்தில் 72 பயணிகள் பயணிக்க கூடிய விமானங்களை மாத்திரமே தரையிறக்க முடியும்.
இதனை அதிகரிப்பதற்காக இந்தியாவிடம் இருந்து நிதியுதவியளிக்கப்பட்டுள்ளது.
இதற்கமைய அபிவிருத்தி நடவடிக்கைகளை மேற்கொண்டு அதிக பயணிகள் பயணிக்க கூடிய விமானங்களை பலாலி விமான நிலையத்தில் தரையிறக்குவதற்கு ஏற்பாடுகள் முன்னெடுக்கப்படும் என துறைமுகங்கள், கப்பற்றுறை மற்றும் விமான சேவைகள் அமைச்சர் நிமல் சிறிபால டி சில்வா தெரிவித்துள்ளார்.
நன்றி – தமிழன்
