ஆசியாவின் மிகப் பெரிய மாணிக்கக்கல் எனக் கூறப்படும் இரத்தினபுரியில் கண்டெடுக்கப்பட்ட அரனுல் இரத்தினக்கல் ஆறு மாதங்களுக்கு முன் சுவிட்சர்லாந்துக்கு கொண்டு செல்லப்பட்ட போதிலும் இதுவரை விற்பனை செய்யப்படவில்லை என இரத்தினக்கல் மற்றும் ஆபரண அதிகார சபை தெரிவித்துள்ளது.
விற்பனைக்காகவோ அல்லது பரிசோதனைக்காகவோ எடுத்துச் செல்லப்பட்ட இந்த மாணிக்கத்தின் பெறுமதி 2000 கோடி ரூபாவுக்கும் அதிகம் என அதிகார சபையின் தலைவர் திலக் வீரசிங்க ஊடகங்களுக்கு தெரிவித்தார்.
இரத்தினம் மற்றும் நகைச் சட்டத்தின் கீழ் ஆய்வு அல்லது விற்பனைக்காக எடுக்கப்பட்ட இரத்தினம் மூன்று மாதங்களுக்குள் மீளக் கொண்டுவரப்பட வேண்டும். ஆனால் இந்த இரத்தினத்தை சுவிட்சர்லாந்தில் வைக்க கூட்டுத்தாபனம் கால அவகாசத்தை நீடித்துள்ளது.
530 கிலோ எடையுள்ள இந்த மாணிக்கக்கல் வெளிநாட்டுக்கு எடுத்துச் செல்லும் போது பெற வேண்டிய 25% வைப்புத் தொகையின்றி எடுக்கப்பட்டுள்ளதாக அதிகார சபை வட்டாரங்கள் தெரிவிக்கின்றன. ஆனால், இரத்தினத்தை ஆய்வுக்கு எடுத்துச் செல்ல தேவையான ஆயிரம் ரூபா மட்டுமே அதிகாரியிடம் செலுத்தப்பட்டுள்ளது.
அதிகாரிகளின் தலையீட்டில் மாணிக்கக்கல் அதன் உரிமையாளரிடம் இருந்து மீட்கப்பட்டு சுவிட்சர்லாந்துக்கு கொண்டு செல்லப்பட்டமை குறிப்பிடத்தக்கது.
