ஆஸ்திரேலியாவில் மீதமுள்ள கோவிட் கட்டுப்பாடுகள் அடுத்த சில மணிநேரங்களில் நீக்கப்படும் என்று தகவல்கள் வெளியாகியுள்ளன.
இன்று நடைபெறும் தேசிய அமைச்சரவைக் கூட்டத்தில் இது தொடர்பில் இறுதித் தீர்மானம் எடுக்கப்படவுள்ளமையே இதற்குக் காரணம்.
தற்போது 07 நாட்களாக இருக்கும் தனிமைப்படுத்தல் காலத்தை 05 நாட்களாக குறைப்பது குறித்து இறுதி முடிவு எடுக்கப்படும் என தெரிவிக்கப்பட்டுள்ளது.
இது தொடர்பாக அனைத்து மாநிலங்களின் முதலமைச்சர்களும் பொதுவான உடன்பாட்டை எட்டுவது மிகவும் முக்கியம் என்று பிரதமர் அந்தோணி அல்பானீஸ் சமீபத்தில் கூறினார்.
எவ்வாறாயினும், தனிமைப்படுத்தப்பட்ட காலத்தைக் குறைப்பதைத் தவிர, மற்ற கோவிட் விதிமுறைகளை மேலும் திருத்தங்களுடன் பராமரிப்பது முக்கியம் என்று பல சுகாதார சங்கங்கள் வலியுறுத்தியுள்ளன.
விமானங்களில் முகக் கவச பயன்பாடு மற்றும் தடுப்பூசி தேவைகள் ஆகியவை இதில் அடங்கும் என குறிப்பிடப்படுகின்றது.
