ஆஸ்திரேலியாவில் 02-03 வருடங்கள் போன்ற குறுகிய காலத்திற்கு திறமையான பணியாளர்களை வரவழைத்து தொழில் சந்தையை கட்டியெழுப்ப முடியாது என பிரதமர் Anthony Albanese தெரிவித்துள்ளார்.
எனவே இவர்களுக்கு நிரந்தர குடியுரிமை வழங்கப்பட வேண்டும் என கான்பராவில் நடைபெற்ற வேலைவாய்ப்பு மற்றும் திறன்மிக்க தொழிலாளர் உச்சி மாநாட்டை நிறைவு செய்து உரையாற்றினார்.
ஆஸ்திரேலியா எதிர்காலத்தில் உலகளாவிய வேலை சந்தையில் கவர்ச்சிகரமான நாடாக மாறுவதற்கு பல நடவடிக்கைகளை மேற்கொள்ளும் என்றும் பிரதமர் குறிப்பிட்டார்.
2022-23 ஆம் ஆண்டுக்கான திறன் தொழிலாளர் ஒதுக்கீட்டை 35,000 ஆக உயர்த்த மத்திய அரசாங்கம் முடிவு செய்துள்ளதாக இந்த உச்சிமாநாட்டில் தெரியவந்துள்ளது.
அவற்றில் 4,700 செவிலியர்களுக்கும், மேலும் 9,000 பிராந்திய பகுதிகளுக்கும் ஒதுக்கப்படும்.
மீதமுள்ள தொகையை ஒவ்வொரு மாநிலத்திற்கும் ஒதுக்க வேண்டும் என அறிவிக்கப்பட்டுள்ளது.
