ஆஸ்திரேலியாவில் தொடர்ந்து பணிபுரிய விரும்பும் ஓய்வு பெற்றவர்களுக்கு ஒரு முறை உதவித்தொகையாக 4000 டொலர் வழங்க மத்திய அரசாங்கம் முடிவு செய்துள்ளது.
இந்த உதவித்தொகை அவர்களின் ஓய்வூதியத்தில் தலையிடாது என்று கான்பெராவில் நடைபெற்ற வேலை வாய்ப்புகள் மற்றும் திறன்கள் மாநாட்டின் முடிவில் பிரதமர் அந்தோனி அல்பானீஸ் கூறினார்.
இந்த உச்சி மாநாட்டில் ஆஸ்திரேலியாவில் உள்ள தொழிலாளர் பற்றாக்குறையை போக்குவது தொடர்பான 36 முன்மொழிவுகள் ஏற்றுக்கொள்ளப்பட்டதாக பிரதமர் குறிப்பிட்டார்.
தற்போது ஓய்வுபெற்ற ஆஸ்திரேலியர் பெறக்கூடிய அதிகபட்ச ஆண்டு சம்பளம் 7,800 டொலராகும்.
ஆனால், அதிக நேரம் வேலை செய்ய விரும்பும் ஓய்வு பெற்றவர்களை இந்த விதிமுறை பாதிக்காத வகையில், விதிகளில் திருத்தம் செய்ய மத்திய அரசாங்கம் முடிவு செய்துள்ளது.
இந்த முடிவு தற்காலிகமானது என்றும், அடுத்த வருடம் ஜூன் மாதம் நீக்கப்படும் என எதிர்பார்க்கப்படுவதாகவும் பிரதமர் கூறினார்.
இதன் மூலம் அரசாங்கம் தாங்க வேண்டிய கூடுதல் தொகை 55 மில்லியன் டொலர்களாகும்.
