“விக்ரம் வேதா” இந்தி ரீமேக் திரைப்படத்தின் டிரைலர் வெளியாகியுள்ளது.
புஷ்கர் -காயத்ரி இயக்கத்தில் 2017-ம் ஆண்டு வெளியான தமிழ் படம் ‘விக்ரம் வேதா’. இந்தப் படத்தில் விஜய்சேதுபதி, மாதவன், கதிர், ஸ்ரத்தா ஸ்ரீநாத், வரலட்சுமி சரத்குமார் உள்பட பலர் நடித்திருந்தனர்.
கமர்ஷியல் ரீதியாக எடுக்கப்பட்ட இந்தப் படத்தில் கதையும், திரைக்கதையும் சிறப்பாக அமைந்ததோடு, அதில் நடித்த விஜய்சேதுபதி, மாதவன் ஆகியோரின் கதாபாத்திரங்களும் ரசிகர்கள் மத்தியில் பெரும் வரவேற்பைப் பெற்றன.
சஷிகாந்த் தயாரிப்பில் வெளியான இப்படம் விமர்சன ரீதியாகவும் வசூல் ரீதியாகவும் நல்ல வரவேற்பைப் பெற்றது. இந்த திரைப்படதம் அதே பெயரில் இந்தியில் ரீமேக் செய்யப்படுகிறது. இந்தி ரீமேக்கில் விஜய்சேதுபதி கதாபாத்திரத்தில் ஹிருத்திக்ரோஷனும், மாதவன் கதாபாத்திரத்தில் சயிப் அலிகானும் நடித்துள்ளனர்.
அதற்கமைய, “விக்ரம் வேதா” இந்தி ரீமேக் திரைப்படத்தின் டிரைலர் தற்போது வெளியாகியுள்ளது.
