மேற்கு அவுஸ்திரேலியா மாநிலத்தில் கல்வி கற்க வரும் சர்வதேச மாணவர்களுக்கான விடுதி வசதிகளுக்காக 1500 டொலர் ஒருமுறை மானியமாக வழங்க நடவடிக்கை எடுக்கப்பட்டுள்ளது.
முழுநேரம் படிக்கும் மாணவர்களுக்கு மட்டுமே இந்த தொகை வழங்கப்படும் என்றும், இதற்கு நேற்று முதல் விண்ணப்பிக்க சந்தர்ப்பம் வழங்கப்பட்டுள்ளது.
இந்த ஆண்டு 02 ஆம் செமஸ்டரில் படிக்கும் மாணவர்கள் இதற்குத் தகுதி பெறுவார்கள்.
முதலில் விண்ணப்பிக்கும் 2500 மாணவர்களுக்கு மட்டுமே இந்தத் தொகை வழங்கப்படும் என்றும், வரும் 26ம் திகதிக்குள் விண்ணப்பிக்க வேண்டும்.
01ஆம் செமஸ்டரில் இந்தக் கொடுப்பனவைப் பெற்ற மாணவர்களுக்கு மீண்டும் விண்ணப்பிப்பதற்கான வாய்ப்பு கிடைக்காது.
மேலும், பகுதி நேரமாக படிக்கும் மாணவர்களுக்கு இந்த உதவித்தொகை கிடைக்காமல் போகலாம்.
ஒரு வருடத்திற்கும் குறைவான படிப்பைக் கொண்ட மாணவர்கள் மற்றும் குறிப்பிட்ட திகதிகளுக்கு முன்னர் மேற்கு ஆஸ்திரேலியாவிற்கு வராத சர்வதேச மாணவர்கள் இந்த உதவித்தொகையைப் பெற மாட்டார்கள்.
