ஆஸ்திரேலியாவின் மொத்த மக்கள் தொகையில் 11 சதவீதம் பேருக்கு இன்னும் இணைய வசதி இல்லை என்று சமீபத்திய ஆய்வில் தெரியவந்துள்ளது.
மொத்த மக்கள் தொகையான 25 மில்லியன் பேரில் கிட்டத்தட்ட 28 லட்சம் பேருக்கு இணைய வசதி இல்லை அல்லது இணையத்தை எப்படி பயன்படுத்துவது என்று புரியவில்லை என்பது தெரியவந்துள்ளது.
இவர்களில் பெரும்பாலோர் தொலைதூர அல்லது பிராந்திய பகுதிகளில் வசிப்பவர்களாக அடையாளம் காணப்பட்டுள்ளனர்.
இணைய வங்கிச் சேவை போன்ற செயற்பாடுகளை மேற்கொள்வதில் அவர்கள் பெரும் சிரமங்களை எதிர்கொள்வதாகவும் இந்த அறிக்கை வெளிப்படுத்துகிறது.
தொலைதூரப் பகுதிகளில் உள்ள மக்கள், காட்டுத் தீ அல்லது பேரிடர் காலங்களில் எதிர்கொள்ளும் மிகவும் கடினமான சூழ்நிலைகளில் இணைய வசதியின் பற்றாக்குறையும் ஒன்றாகும்.
வரும் 2025ம் ஆண்டுக்குள் அனைத்து அரசு சேவைகளையும் ஆன்லைன் மூலம் இயக்க மத்திய அரசு முடிவு செய்துள்ளது.
இவ்வாறானதொரு சூழ்நிலையில் தாங்கள் மேலும் சிக்கலுக்குள்ளாக நேரிடும் என தொலைதூர பிரதேசங்களில் உள்ள ஆஸ்திரேலியர்கள் தெரிவித்துள்ளனர்.
