கோவிட் தொற்றுநோய்க்கு முன்பு இருந்ததை விட, இந்த ஆண்டு ஆஸ்திரேலியாவுக்கு வருவதற்கு சுற்றுலாப் பயணிகள் தங்கள் விசா அனுமதியைப் பெற மூன்று மடங்கு காலப்பகுதி அதிகமாகக் காத்திருந்ததாக ஒரு புதிய அறிக்கை வெளியாகியுள்ளது.
அடுத்த ஆண்டு ஜூலை – செப்டம்பர் மாதம் வரை இந்த காத்திருப்பு நேரத்தில் மாற்றம் இருக்கும் என எதிர்பார்க்க முடியாது என குடிவரவு திணைக்களம் சுட்டிக்காட்டியுள்ளது.
ஜூன் மாதம் முதலாம் திகதி முதல் கிட்டத்தட்ட 2.8 மில்லியன் தற்காலிக மற்றும் குடியேற்ற விசா விண்ணப்பங்கள் பரிசீலிக்கப்பட்டதாக உள்துறை அமைச்சகம் தெரிவித்துள்ளது.
இதில் 1.5 மில்லியன் சுற்றுலா விசாக்கள் மற்றும் 199,000 மாணவர் விசாக்கள் மற்றும் 43,000 தற்காலிக திறமையான விசா விண்ணப்பங்கள் அடங்கும்.
இருப்பினும், சுற்றுலா விசாக்கள் மற்றும் வணிக விசாக்கள் இரண்டிலும் ஆஸ்திரேலியாவிற்கு வருகை தந்தவர்களின் எண்ணிக்கை, கோவிட்டிற்கு முந்தைய அளவை விட மிகவும் குறைவாகவே உள்ளது.
2021/22 இல், சுமார் 699,725 பேர் ஆஸ்திரேலியாவுக்கு சுற்றுலாப் பயணிகளாக வந்தனர், ஆனால் 2018/19 இல் அது 65 லட்சமாக இருந்தது.
