விக்டோரியா மாநிலத் தேர்தலில் ஆளும் தொழிலாளர் கட்சி சிறப்பான வெற்றியைப் பெற்றுள்ளது.
விக்டோரியா மாநில சட்டமன்றத்தில் தொழிற்கட்சி 45 இடங்களுக்கு மேல் வெற்றி பெற்று பெரும்பான்மை அரசாங்கத்தை அமைத்துள்ளது.
இதனால் மீண்டும் விக்டோரியாவின் மாநில முதல்வராக டேனியல் அன்ட்ரூஸ் பதவியேற்று அடுத்த 04 வருடங்களுக்கு அந்த பதவியில் பணியாற்ற உள்ளார்.
காலை 08:00 மணிக்கு தொடங்கிய வாக்குப்பதிவு மாலை 06:00 மணிக்கு முடிவடைந்தது. இந்த தேர்தலில் பதிவான மொத்த வாக்காளர்களின் எண்ணிக்கை 43 லட்சத்து 94 ஆயிரத்து 465 ஆகும்.
19 லட்சத்து 08 ஆயிரத்து 400 பேர் அதாவது 43 சதவீதம் பேர் முன்கூட்டியே வாக்களித்திருந்தனர்.
விக்டோரியா மாநிலத் தேர்தலில் பதிவான அதிகபட்ச வாக்குகள் இதுவாகும்.
