மெல்போர்னின், Doncaster பகுதியில் வசிக்கும் 35 வயதுடைய இலங்கையர் ஒருவர் கிட்டத்தட்ட 250,000 அமெரிக்க டொலர்களை திருடியதாக குற்றம் சுமத்தப்பட்டுள்ளது.
மெல்போர்னில் நடைபெறும் பிராந்திய கிரிக்கெட் போட்டிக்கு 10 சிறந்த சர்வதேச கிரிக்கெட் வீரர்களை வரவழைப்பதாக கூறி இந்த பணம் திருடப்பட்டுள்ளது.
சந்தேக நபர் ஒரு வருடத்திற்கும் மேலாக தனது முதலாளியின் வங்கிக் கணக்கிலிருந்து இந்தப் பணத்தைத் திருடி வந்துள்ளதாகத் தெரிவிக்கப்படுகிறது.
35 வயதான சந்தேகநபர் மீது 19 திருட்டு மற்றும் மோசடி குற்றச்சாட்டுக்கள் மெல்பேர்ன் நீதவான் நீதிமன்றில் முன்வைக்கப்பட்டுள்ளன.
சந்தேக நபர் 2021ஆம் ஆண்டு மார்ச் மற்றும் 2022ஆம் ஆண்டு ஜூலை மாதத்திற்கு இடையில் 18 வெவ்வேறு சந்தர்ப்பங்களில் இதுபோன்ற போலி கொள்முதல் உத்தரவுகளையும் வரி விலைப்பட்டியல்களையும் சமர்ப்பித்ததாக பொலிஸார் குற்றம் சாட்டியுள்ளனர்.
இந்த பணத்தை குறித்த நபர் தனது சொந்த தொழிலில் பயன்படுத்தியுள்ளதாகவும் அந்த வியாபாரத்தின் ஊடாக 10 சர்வதேச கிரிக்கெட் வீரர்களுக்கு உள்ளூர் போட்டிகளில் பங்குபற்றுவதற்காக பணம் செலுத்தப்பட்டுள்ளதாகவும் குறிப்பிடப்படுகின்றது.
எவ்வாறாயினும், நவம்பர் 24 அன்று நீதிமன்றத்தில் இந்தக் குற்றச்சாட்டுகளை தாக்கல் செய்யும் போது, இந்த வீரர்கள் யாரும் போட்டிகளில் பங்கேற்கவில்லை என்று விசாரணை அதிகாரிகள் தெரிவித்தனர்.
இந்த வழக்கு வரும் பிப்ரவரி மாதம் மீண்டும் நீதிமன்றத்தில் விசாரணைக்கு வருகிறது.
