ஆஸ்திரேலியாவில் உள்ள அனைத்து மக்களுக்கும் ஏதேனும் மன அல்லது குடும்ப பிரச்சனைக்கு உதவி தேவைப்பட்டால் 13 11 14 (Lifeline) என்ற எண்ணை அழைக்குமாறு அறிவுறுத்தப்படுகிறார்கள். நீங்கள் மட்டுமின்றி உங்கள் நெருங்கிய நண்பர் அல்லது உறவினர் அல்லது இதுபோன்ற மன அழுத்தத்தால் பாதிக்கப்படும் வேறு எவருக்கும் இந்த எண்ணை தெரிவிக்கலாம். மெல்பேர்னின் Sandhurst பகுதியில் வசித்து வந்த 45 வயதுடைய இலங்கையர் ஒருவர் தனது 43 வயது மனைவியைக் கொன்ற செய்தியுடன் 13 11 14 என்ற இலக்கம் மீண்டும் நினைவுக்கு வருகிறது. கடந்த சனிக்கிழமை இரவு 11.40 மணியளவில் இருவருக்குமிடையில் வாய்த்தர்க்கம் முற்றிய நிலையில் இந்தச் சம்பவம் இடம்பெற்றுள்ளதாக தெரிவிக்கப்படுகின்றது. சந்தேக நபரால் அவர்களது மகன் ஒருவரும் காயமடைந்துள்ளார். பலத்த காயங்களுடன் தற்போது அவருக்கு அறுவை சிகிச்சை செய்யப்பட்டுள்ளதாக மருத்துவமனை வட்டாரங்கள் தெரிவிக்கின்றன. கைது செய்யப்பட்ட இலங்கையர் எதிர்வரும் நாட்களில் நீதிமன்றில் முன்னிலைப்படுத்தப்படவுள்ளார். சிசிடிவி கேமராவில் அவரது மகள் தனது தாயின் கொலை குறித்து பக்கத்து வீட்டினரிடம் தெரிவித்ததும் பதிவாகியுள்ளது. சமீபகாலமாக இருவரும் பிரிந்து வாழ்வது தற்போது உறுதி செய்யப்பட்டுள்ளது.
