அவுஸ்திரேலியாவில் வெளிநாட்டு மொழிகளில் வெளியிடப்படும் வேலைவாய்ப்பு விளம்பரங்களில் மோசடி!

ஆஸ்திரேலியாவில், ஆங்கிலம் அல்லாத வெளிநாட்டு மொழிகளில் வெளியிடப்படும் வேலை விளம்பரங்களில் சுமார் 60 சதவீதமானவை பல்வேறு சட்டவிரோத நடவடிக்கைகள் தொடர்பானவை என அடையாளம் காணப்பட்டுள்ளது.

அவர்களில் பெரும்பான்மையானவர்கள் ஒரு நாளைக்கு சுமார் 12 மணி நேரம் வேலை செய்வதும், ஒரு மணி நேரத்திற்கு 10 டாலர் சம்பளம் கொடுப்பதும் தெரியவந்துள்ளது.

இந்த வேலைகள் சில்லறை வர்த்தகம் - சுத்தம் செய்தல் - போக்குவரத்து - கட்டுமானம் - மற்றும் முடி திருத்துதல் போன்ற துறைகளில் உள்ளன.

ஏறக்குறைய 7000 வேலை விளம்பரங்கள் பற்றிய சமீபத்திய கணக்கெடுப்பில், இது தொடர்பான விளம்பரங்களில் பெரும்பாலானவை ஜப்பானிய - வியட்நாமிய - ஸ்பானிஷ் மற்றும் போர்த்துகீசிய மொழிகளில் வெளியிடப்படுகின்றன என்று கண்டறியப்பட்டுள்ளது.

பெரும்பான்மையான தொழிலாளர்களுக்கு ஆஸ்திரேலிய தொழிலாளர் சட்டம் பற்றிய விழிப்புணர்வு இல்லாததே இந்த நிலைக்கு முக்கிய காரணம் என உறுதிப்படுத்தப்பட்டுள்ளது.

இது தொடர்பில் குடிவரவு அமைச்சர் அன்ட்ரூ கில்ஸினால் அறிக்கை ஒன்றும் கோரப்பட்டுள்ளது.