மேற்கிந்திய தீவுகளுக்கு எதிரான 02வது டெஸ்ட் கிரிக்கெட் போட்டியில் இருந்து அவுஸ்திரேலியா அணித்தலைவர் பேட் கம்மின்ஸ் விலகியுள்ளார். பெர்த்தில் நடைபெற்ற முதல் போட்டியில் அவருக்கு ஏற்பட்ட காயம்தான் இதற்கு காரணம். இதனால் அடிலெய்டில் நாளை ஆரம்பமாகும் 02வது டெஸ்ட் போட்டியில் அவுஸ்திரேலிய அணியை வழிநடத்தும் பொறுப்பு ஸ்டீவ் ஸ்மித்துக்கு வழங்கப்பட்டுள்ளது. பாட் கம்மின்ஸுக்கு பதிலாக ஸ்காட் போலண்ட் அழைக்கப்பட்டுள்ளார். எவ்வாறாயினும், பிரிஸ்பேனில் உள்ள காபா மைதானத்தில் எதிர்வரும் 17ஆம் திகதி ஆரம்பமாகவுள்ள தென்னாபிரிக்காவுக்கு எதிரான முதலாவது டெஸ்ட் போட்டியில் பேட் கம்மின்ஸ் விளையாட முடியும் என தகவல்கள் தெரிவிக்கின்றன.
