சிட்னிக்கு வரும் வாகனங்களுக்கு சில புதிய கட்டணங்களை வசூலிக்க மாநில அரசு முடிவு செய்துள்ளதாக தகவல்கள் வெளியாகியுள்ளன. அடுத்த 50 ஆண்டுகளுக்கு நியூ சவுத் வேல்ஸ் மாநில அரசாங்கத்தால் வெளியிடப்பட்ட போக்குவரத்துக் கண்ணோட்டத்தின் கீழ் இந்தத் தகவல் வழங்கப்படுகிறது. தற்போது 8.2 மில்லியனாக இருக்கும் மாநிலத்தின் மக்கள் தொகை, 2061ம் ஆண்டுக்குள் 11.5 மில்லியனாக மாறும், இதனால் கடும் போக்குவரத்து நெரிசல் ஏற்படும் என்று கணிக்கப்பட்டுள்ளது. அதன்படி, நகருக்குள் வரும் வாகனங்களின் எண்ணிக்கையை கட்டுப்படுத்தும் நோக்கில், நியூ சவுத் வேல்ஸ் மாநில அரசு சில புதிய கட்டணங்களை அறிமுகப்படுத்த முன்வந்துள்ளது. மேலும், நடைபாதைகளின் எண்ணிக்கையை அதிகரிக்கவும், சைக்கிள்/e-bikes மற்றும் e-scooters பயன்பாட்டை பிரபலப்படுத்தவும் பல நடவடிக்கைகள் எடுக்கப்படும் என கணிக்கப்பட்டுள்ளது.
