ஆஸ்திரேலியாவில் பெண்களுக்கும் ஆண்களுக்கும் இடையிலான ஊதிய இடைவெளியைக் குறைக்க சில நிறுவனங்களிடமிருந்து போதிய ஆதரவு இல்லை என்று கூறப்படுகிறது. இந்த நாட்டில் பெண்கள் பெறும் சம்பளம் ஆண்களை விட 26,596 டாலர்கள் குறைவாக உள்ளதாக சமீபத்திய கணக்கெடுப்பில் தெரியவந்துள்ளது. இது 22.8 சதவீதம் குறைவு என அடையாளம் காணப்பட்டுள்ளது. ஆஸ்திரேலியாவில் பெண் தலைமை நிர்வாக அதிகாரிகளின் எண்ணிக்கை கடந்த ஆண்டில் அதிகரித்துள்ளது, ஆனால் ஒட்டுமொத்தமாக, பெண் தலைமை நிர்வாக அதிகாரிகளின் எண்ணிக்கை இன்னும் 22 சதவீதமாக உள்ளது. பெண்கள் முன்னிலை வகிக்கும் கல்வி போன்ற துறைகளிலும் ஆண்களே பெரும்பான்மையான மேலாளர்கள் என்பது தெரியவந்துள்ளது. இந்த நாட்டில் உள்ள சுமார் 80 வீதமான நிறுவனங்களின் பணிப்பாளர் சபைகளில் பெண்களின் பிரதிநிதித்துவம் இல்லை என்பதும் அடையாளம் காணப்பட்டுள்ளது. இது 2014ல் 67 சதவீதமாக இருந்தது. முழு நிர்வாக சபையும் பெண்களை மட்டுமே கொண்ட நிறுவனங்களில் 01 சதவீதத்திற்கும் குறைவாகவே உள்ளதாகவும் குறிப்பிடப்பட்டுள்ளது.
