மேற்கு அவுஸ்திரேலியாவில் கடந்த ஓராண்டுக்கு முன்னர் கடும் சர்ச்சையை ஏற்படுத்திய சிறுமி கிளியோ ஸ்மித் கடத்தப்பட்ட வழக்கில் சந்தேகநபரான Terence Darrell Kelly க்கு எதிரான வழக்கு விசாரணை இன்றும் நாளையும் நடைபெறவுள்ளது. இதன்படி, சந்தேகநபருக்கு எதிரான தண்டனை நாளை விதிக்கப்படும் என தெரிவிக்கப்பட்டுள்ளது. 18 நாட்களாக காணாமல் போயிருந்த கிளியோ ஸ்மித், கடந்த ஆண்டு நவம்பரில் அவர் காணாமல் போன முகாமில் இருந்து பல கிலோமீட்டர் தொலைவில் உள்ள வீட்டில் கண்டுபிடிக்கப்பட்டார். அது அந்த நேரத்தில் உலகம் முழுவதும் ஒரு முக்கிய செய்தியாக மாறியது. 16 வயதுக்குட்பட்ட மைனர் குழந்தையை வலுக்கட்டாயமாக கடத்திச் சென்ற குற்றச்சாட்டில் இந்த நபர் குற்றத்தை ஒப்புக்கொண்டார். கடந்த செப்டம்பரில், மேற்கு ஆஸ்திரேலியா மாவட்ட நீதிமன்றத்தில் இன்றும் நாளையும் விசாரணை நடத்த முடிவு செய்யப்பட்டது.
