உலகக்கிண்ண கால்பந்தாட்ட தொடரின் இரண்டாவது அரையிறுதி போட்டி தற்போது நிறைவுக்கு வந்துள்ளது.
இந்த போட்டியில் மொரோக்கோ அணியை 2-0 என்ற கோல்கள் கணக்கில் வீழ்த்தி பிரான்ஸ் அணி இறுதிப் போட்டிக்குள் நுழைந்துள்ளது.
போட்டியில் 5ஆவது மற்றும் 79ஆவது நிமிடங்களில் பிரான்ஸ் அணி அபாரமான இரு கோல்களைப் பெற்றிருந்தமை குறிப்பிடத்தக்கது.
இதனூடாக, FIFA உலகக்கிண்ண காற்பந்து தொடரின் இறுதிப் போட்டியில் ஆர்ஜென்டினாவை பிரான்ஸ் அணி எதிர்கொள்ளவுள்ளது. நடப்பு சம்பியனான பிரான்ஸ் அணி மீண்டும் கிண்ணத்தை சுவீகரிக்குமா அல்லது ஆர்ஜன்டினாவின் ஆதிக்கம் புதியதொரு அத்தியாயத்தை உருவாக்குமா என்பதை பொறுத்திருந்து பார்க்கலாம்.
உலகக்கிண்ண காற்பந்து தொடரின் இறுதிப் போட்டியானது எதிர்வரும் 18ஆம் திகதி இடம்பெறவுள்ளமை குறிப்பிடத்தக்கது.
நன்றி தமிழன்
