Costco நிறுவனம் விற்பனை செய்த baby spinach-இல் விஷம் கலந்து ஒன்பது பேர் மருத்துவமனையில் அனுமதிக்கப்பட்டதையடுத்து, ஏற்கனவே வாங்கி வைத்திருந்தால் உடனடியாக பயன்படுத்த வேண்டாம் என அதிகாரிகள் அறிவுறுத்தி வருகின்றனர். டிசம்பர் 16 காலாவதி தேதியுடன் Riviera farms பிராண்டின் கீழ் இந்த கீரை சந்தையில் வெளியிடப்பட்டது. நோய்வாய்ப்பட்டவர்கள் அனைவரும் நியூ சவுத் வேல்ஸில் வசிப்பவர்கள் மற்றும் அவர்களுக்கு காய்ச்சல் உள்ளிட்ட சில அறிகுறிகளும் உள்ளன. இதேவேளை, இன்று முதல் அமுலுக்கு வரும் வகையில், ஒரு வாடிக்கையாளர் வாங்கக்கூடிய உறைந்த உருளைக்கிழங்கு பொரியல்களின் (frozen potato fries) அளவை 02 பொதிகளாக மட்டுப்படுத்த தீர்மானிக்கப்பட்டுள்ளது. வெள்ளம் மற்றும் போதிய உற்பத்தி இல்லாததால் உருளைக்கிழங்கு உற்பத்தியில் வீழ்ச்சியேற்பட்டுள்ளது.
