பெண் ஒருவரை பாலியல் பலாத்காரம் செய்ததாக குற்றம் சாட்டப்பட்டுள்ள இலங்கை கிரிக்கெட் வீரர் தனுஷ்க குணதிலகா, அவர் தற்காலிகமாக வசித்து வரும் வீட்டை விட்டு வெளியேறி ஒரு அறை அடுக்குமாடி குடியிருப்பில் குடியேற சிட்னி நீதவான் நீதிமன்றம் அனுமதி அளித்துள்ளது. அவர் நேற்று (16) நீதிமன்றத்தில் ஆஜர்படுத்தப்பட்ட போதே நீதவான் நீதிமன்றில் அவர் சார்பில் ஆஜரான சட்டத்தரணி இந்தக் கோரிக்கையை முன்வைத்துள்ளார். தனுஷ்க குணதிலவுக்கு உதவ முன்வந்த ஒருவரின் வீட்டில் தான் தற்போது வசிப்பதால், சட்ட நடவடிக்கை மிக நீண்டதாக இருக்கும் என்பதால், புதிய வீட்டில் குடியேற அனுமதிக்குமாறு சட்டத்தரணி நீதிமன்றில் கோரியுள்ளார். அந்த கோரிக்கையை பரிசீலித்த சிட்னி மாஜிஸ்திரேட் நீதிமன்றம் தனுஷ்க குணதில புதிய வீட்டில் குடியேற அனுமதி வழங்கியுள்ளது. இந்த வழக்கு ஜனவரி 12ஆம் தேதி மீண்டும் விசாரணைக்கு வருகிறது.
