திருமணத்திற்குப் முன்பாக உடலுறவு கொள்ளக்கூடாது என்று இந்தோனேசியா விதித்துள்ள புதிய சட்டத்தால் பாலிக்கு வரும் ஆஸ்திரேலியர்களின் எண்ணிக்கை குறைந்து வருவதற்கான அறிகுறிகள் தென்படுகின்றன. மாறாக தீவு மாநிலங்களான வனுவாட்டு மற்றும் பிஜிக்கு செல்லும் சுற்றுலா பயணிகளின் எண்ணிக்கை அதிகரிக்கும் என கணிக்கப்பட்டுள்ளது. பயண நிறுவனங்களிடம் இருந்து பெறப்பட்ட தகவல்களின்படி இந்த உண்மைகள் தெரியவந்துள்ளன. வரும் மாதங்களில் பாலி தீவை சுற்றுலா தலமாக தேர்வு செய்வது கணிசமாக குறைந்துள்ளது தெரியவந்துள்ளது. எனினும் இந்த புதிய சட்டம் வெளிநாட்டினருக்கு பொருந்தாது என இந்தோனேசிய அரசாங்கம் அண்மையில் தெரிவித்திருந்தது.
