2022 உலகக் கோப்பையை அர்ஜென்டினா அணியை வெல்வதற்கு வழிவகுத்து சிறந்த வீரருக்கான Golden ball விருதை வென்ற லியோனல் மெஸ்ஸி, கால்பந்து மைதானத்தில் இருந்து ஓய்வு பெறப்போவதில்லை என அறிவித்துள்ளார். கத்தாரில் நடைபெற்ற இறுதிப் போட்டியின் பின்னர் ஊடகங்களுக்கு கருத்து தெரிவித்த அவர், உலக சாம்பியனாக இன்னும் சில போட்டிகளை அனுபவிக்க விரும்புவதாக தெரிவித்தார். அதன்படி, 2024-ம் ஆண்டு கோபா அமெரிக்கா மற்றும் வரும் உலகக் கோப்பை போட்டிகளில் அவர் பங்கேற்கவுள்ளார். 35 வயதான மெஸ்ஸி கடந்த அக்டோபர் மாதம் கத்தாரில் நடைபெறும் உலகக் கோப்பை கால்பந்து இறுதிப் போட்டிக்குப் பிறகு ஓய்வு பெறுவதாக அறிவித்தார். 2022 உலகக் கோப்பையில் சிறந்த வீரருக்கு வழங்கப்படும் Golden ball விருது அர்ஜென்டினாவின் ஜாம்பவான் லியோனல் மெஸ்சிக்கு வழங்கப்பட்டுள்ளது. உலகக் கோப்பை வரலாற்றில் இரண்டு முறை Golden ball வென்ற ஒரே வீரர் என்ற பெருமையை மெஸ்ஸி பெற்றார்.
