ஹெல்த் விக்டோரியா, மெல்போர்ன் குடியிருப்பாளர்களை தட்டம்மை நோய் குறித்து எச்சரிக்கையாக இருக்குமாறு எச்சரித்துள்ளது.
கடந்த 12ஆம் திகதி மெல்பேர்ன் சர்வதேச விமான நிலையத்தில் இருந்து இந்தியாவுக்குப் பயணம் செய்து நாடு திரும்பிய ஒருவருக்கு அம்மை நோய் தொற்று இருப்பது கண்டறியப்பட்டமையே இதற்குக் காரணம்.
41 வயதான இந்த நபர் பல இடங்களுக்குச் சென்றிருப்பது உறுதி செய்யப்பட்டுள்ளது. இவர் கடந்த 12 – 13 மற்றும் 16 ஆகிய நாட்களில் பயணம் செய்த இடங்களின் பட்டியலை விக்டோரியா சுகாதாரத்துறை வெளியிட்டுள்ளது.
அந்த நேரத்தில் சம்பந்தப்பட்ட இடங்களில் இருந்தவர்கள் உடனடியாக சுகாதார அறிவுறுத்தல்களைப் பின்பற்றுமாறு கேட்டுக்கொள்ளப்படுகிறார்கள்.
சளி மற்றும் காய்ச்சல் அறிகுறிகள் தோன்றிய 03-04 நாட்களுக்குள் உடல் முழுவதும் சிவப்பு புள்ளிகள் தோன்றுவது அம்மை நோயின் முக்கிய அறிகுறிகளில் ஒன்றாகும். குழந்தைகள் மற்றும் நோயெதிர்ப்பு குறைபாடுள்ள பெரியவர்கள் அதிக ஆபத்துள்ள குழுக்களாக கருதப்படுகிறார்கள்.
இந்த வருடத்தில் இதுவரை விக்டோரியாவில் கண்டறியப்பட்ட தட்டம்மை நோயாளர்களின் எண்ணிக்கை 06 ஆகும்.
