வெளிநாடுகளில் இருந்து போதைப்பொருளுடன் அவுஸ்திரேலியாவுக்கு வரும் விமானப் பயணிகளின் எண்ணிக்கை அதிகரித்துள்ளதாக தெரியவந்துள்ளது.
10 நாட்களுக்குள் இவ்வாறு வந்த 03 ஆவது விமானப் பயணியும் கைது செய்யப்பட்டுள்ளதாக எல்லைப் பாதுகாப்பு அதிகாரிகள் குறிப்பிட்டுள்ளனர்.
66 வயதான அவர் தென்னாப்பிரிக்காவில் இருந்து கடந்த வெள்ளிக்கிழமை சிட்னி விமான நிலையத்திற்கு வந்துள்ளார்.
அவரிடம் இருந்து 02 கிலோ ஐஸ் வகை போதைப்பொருள் கண்டுபிடிக்கப்பட்டதாக எல்லை அதிகாரிகள் தெரிவிக்கின்றனர்.
இந்த நபருக்கு அதிகபட்சமாக ஆயுள் தண்டனை விதிக்கப்படும் என்று கணிக்கப்பட்டுள்ளது.
பிரான்சில் இருந்து 1.6 கிலோ கொக்கெய்னுடன் வந்த போர்த்துகீசிய பிரஜை ஒருவர் கடந்த 1ஆம் திகதி சிட்னி விமான நிலையத்தில் கைது செய்யப்பட்டதோடு, டிசம்பர் 28ஆம் திகதி கொக்கெய்னுடன் வந்த ஒருவர் சிட்னி விமான நிலையத்திலும் கைது செய்யப்பட்டார்.
