Whatsapp செயலி காலத்துக்கு காலம் பல்வேறு வசதிகளை அறிமுகப்படுத்தி வரும் நிலையில், தற்போது புதிதாக ஐந்து வசதிகளை தமது செயலியில் Whatsapp நிறுவனம் இணைத்துள்ளது.
அதன்படி படங்களில் இருந்து எழுத்துருக்களை பிரதி செய்து, அதனை பகிர முடியும். இந்த வசதி முதலில் ஐபோன்களில் (OS16) அறிமுகப்படுத்தப்பட்டு பின்னர் ஏனைய தொலைபேசிகளுக்கும் அறிமுகமாகும் என்று அறிவிக்கப்பட்டுள்ளது.
படங்களை forward செய்யும் போது அதனுடன் தகவல்களை அல்லது குறிப்புகளை இணைத்து அனுப்பலாம். அத்துடன் ஏற்கனவே படத்துடன் இருக்கின்ற தகவல் மற்றும் குறிப்புகளை நீக்கிவிட்டு forward செய்ய முடியும்.
Google Drive பயன்படுத்தாமலேயே android தொலைபேசிகளில் இருந்து Whatsapp தொடர்பாடல் பதிவுகளை (set history) பகிர்ந்துக் கொள்ள வசதி செய்யப்பட்டுள்ளது. இதன் மூலம் தொடர்பாடல் பதிவுகள் மூன்றாம் தரப்புக்கு தெரியாமல் பாதுகாக்கப்படுகிறது.
குரல் பதிவை status வைக்கலாம். இப்போதும் பலர் Whatsapp-களில் படங்கள், வீடியோக்களை ஸ்டேட்டசாக வைப்பதை வாடிக்கையாக கொண்டுள்ளனர். ஆனால் சிலவகை android தொலைபேசிகளில் குரல் பதிவினை Whatsapp ஸ்டேடசாக வைக்கும் வசதி அறிமுகமாகிறது.
Proxy ஊடாக Whatsapp பயன்படுத்தலாம் – சில நாடுகளில் சமுக வலைத்தளங்கள் முடக்கப்பட்டாலும், Whatsappபை பயன்படுத்தக்கூடிய வகையிலான proxy வசதியை வட்சப் தன்னகத்தே கொண்டுள்ளது. இதன் ஊடாக V.P.N பாவிப்பது போல பயன்படுத்த முடியும்.
