ஆஸ்திரேலிய அரசு அலுவலகங்களில் பொருத்தப்பட்டுள்ள அனைத்து சீன தயாரிப்பு CCTV கேமராக்களையும் அகற்ற பாதுகாப்பு அமைச்சர் ரிச்சர்ட் மார்லஸ் உத்தரவிட்டுள்ளார்.
முக்கியமான தகவல்களை சீனா பெறுகிறது என்ற சந்தேகத்தின் அடிப்படையில் இந்த நடவடிக்கை எடுக்கப்பட்டுள்ளதாக அவர் குறிப்பிட்டுள்ளார்.
சீன அரசாங்கத்துடன் நேரடி தொடர்பு கொண்ட நிறுவனங்களால் தயாரிக்கப்பட்ட சுமார் 1000 CCTV கேமராக்கள் ஆஸ்திரேலிய அரசாங்க அலுவலகங்களில் கண்டுபிடிக்கப்பட்டுள்ளன.
பிரதமர் அலுவலகம் மற்றும் வேளாண் துறை தவிர அனைத்து அரசு அலுவலகங்களிலும் இதுபோன்ற கேமராக்கள் இருப்பது தணிக்கையில் தெரியவந்துள்ளது.
கான்பெராவில் உள்ள ஆஸ்திரேலிய போர் நினைவுச் சின்னத்தில் பொருத்தப்பட்டிருந்த 11 CCTV கேமராக்களை சீனா சமீபத்தில் அகற்ற நடவடிக்கை எடுத்தது.
தொடர்ந்து நடத்தப்பட்ட தணிக்கையில், ஆஸ்திரேலிய அரசு அலுவலகங்களில் இதுபோன்ற கேமராக்கள் அதிகம் இருப்பது கண்டறியப்பட்டது.
சீனா ரகசியமாக தரவுகளைப் பெறுகிறது என்ற சந்தேகத்தின் பேரில், இந்த நாட்டிற்கு 5G தொழில்நுட்பத்தை வழங்க முயன்ற சீன நிறுவனமான Huawei ஐ தடை செய்த உலகின் முதல் நாடு ஆஸ்திரேலியா ஆனது.
