நடிகர் யோகி பாபுவுக்கு இந்திய கிரிக்கெட் அணியின் முன்னாள் தலைவர் எம்.எஸ்.தோனி கிரிக்கெட் பெட் ஒன்றை பரிசளித்துள்ளார்.
நடிகர் யோகி பாபு தமிழ் சினிமாவில் பரபரப்பாக நடித்துக்கொண்டிருக்கிறார். நகைச்சுவை, நாயகன், குணச்சித்திர கதாபாத்திரம் என தனக்கு விருப்பமான கதைகளைத் தேர்ந்தெடுத்து நடித்து வருகிறார்.
சமீபத்தில் அவர் நடிப்பில் வெளியான ‘லவ் டுடே’ திரைப்படம் மிகப்பெரிய வெற்றியைப் பெற்ற நிலையில், அதன்பின், அவர் நாயகனாக நடித்த ‘பொம்மை நாயகி’படமும் ஓரளவு வரவேற்பைப் பெற்றது.
இந்நிலையில், யோகி பாபு தனது ட்விட்டர் பக்கத்தில் கிரிக்கெட் பேட்டுடன் உள்ள புகைப்படத்தைப் பகிர்ந்து ‘தோனியின் கைகளிலிருந்து நேரடியாக வந்துள்ளது. அவர் வலைப்பயிற்சியில் பயன்படுத்தியது. மிக்க நன்றி தோனி சார். உங்களின் கிரிக்கெட் மற்றும் சினிமாவின் நினைவுகளை என்றும் ரசிக்கிறேன்’ எனப் பதிவிட்டுள்ளார்.
தோனி அந்த பேட்டில் ‘வாழ்த்துக்கள் யோகிபாபு’ என கையொப்பமிட்டு அனுப்பியிருக்கார்!
நன்றி தமிழன்
