குவாண்டாஸ் தொழிலாளர்கள் வரும் புதன்கிழமை வேலை நிறுத்தத்தில் ஈடுபடவுள்ளனர்

மெல்போர்ன் விமான நிலையத்தில் உள்ள குவாண்டாஸ் எரிபொருள் ஊழியர்கள் 24 மணி நேர வேலைநிறுத்தத்திற்கு தயாராகி வருகின்றனர்.

எதிர்வரும் புதன்கிழமை அதிகாலை 04 மணி முதல் 24 மணித்தியாலங்களுக்கு இந்தப் பணிப்புறக்கணிப்பு அமுல்படுத்தப்படவுள்ளது.

எரிபொருள் கிடைக்கும் என எதிர்பார்க்கும் சர்வதேச பயணிகள் விமான நிறுவனங்களுக்கும், சரக்கு விமானங்களுக்கும் பாதிப்பு ஏற்படக்கூடும் என எச்சரிக்கப்பட்டுள்ளது.

குவாண்டாஸ் எரிபொருள் தொழிலாளர்கள் அதிக ஊதியம் மற்றும் சிறந்த வேலை நிலைமைகளை கோரி வேலைநிறுத்தத்திற்கு திட்டமிட்டுள்ளனர்.

இதனால் வரும் புதன்கிழமை மெல்போர்ன் விமான நிலையத்தில் சில விமானங்கள் தாமதமாகலாம் என தொழிற்சங்கங்கள் எச்சரிக்கின்றன.

இருப்பினும், குவாண்டாஸ் விமான சேவைக்கு இடையூறு ஏற்படாது என்று உறுதியளிக்கிறது.