அதிகரித்து வரும் வாழ்க்கைச் செலவு காரணமாக ஆஸ்திரேலியர்கள் இறைச்சி, கடல் உணவுகள் மற்றும் மதுபானங்களை வாங்குவதை கணிசமாகக் குறைத்துள்ளதாக சமீபத்திய கணக்கெடுப்பு தெரிவிக்கிறது.
Finder இன்ஸ்டிட்யூட் நடத்திய இந்த ஆய்வில், கடந்த 12 மாதங்களில் இந்த நாட்டில் வாழும் 04 பேரில் ஒருவர் தங்களது உணவு முறைகளை மாற்றிக் கொண்டுள்ளதாக தெரியவந்துள்ளது.
சுமார் 47 சதவீதம் பேர் துரித உணவு அல்லது take away உணவுகளை குறைத்துள்ளனர் மற்றும் சுமார் 35 சதவீதம் பேர் இறைச்சி அல்லது கடல் உணவுகளை உட்கொள்வதை குறைத்துள்ளனர்.
மது பாவனையை குறைத்த வீதம் 32 வீதமாக பதிவாகியுள்ளது.
புள்ளிவிபரப் பணியகத்தின் கூற்றுப்படி, 2021 ஆம் ஆண்டுடன் ஒப்பிடுகையில் இறைச்சி மற்றும் கடல் உணவுகளின் விலைகள் 2022 இல் 08 வீதத்தாலும், பால் பொருட்களின் விலைகள் 15 வீதத்தாலும் அதிகரித்துள்ளன.
அதன்படி ஆஸ்திரேலியர்களின் ஒரு வாரத்திற்கான உணவுச் செலவும் கடந்த ஆண்டு பிப்ரவரி மாதத்துடன் ஒப்பிடுகையில் இந்த பிப்ரவரியில் 37 டாலர்கள் அதிகரித்து 185 டாலர்களை எட்டியுள்ளது.
