ஆஸ்திரேலியாவின் முன்னணி குறைந்த கட்டண விமான நிறுவனமான ஜெட்ஸ்டார் தனது 19வது ஆண்டு நிறைவை ஒட்டி, பல உள்நாட்டு மற்றும் சர்வதேச வழித்தடங்களில் கட்டணத்தை குறைக்க முடிவு செய்துள்ளது.
59 உள்நாட்டு விமான சேவைகள் மற்றும் 28 வெளிநாட்டு விமான சேவைகளின் கட்டணங்கள் குறைக்கப்பட்டுள்ளதாக தெரிவிக்கப்பட்டுள்ளது.
அதன்படி, சிட்னி-மெல்போர்ன் விமானம் $77 ஆகவும், மெல்போர்ன்-ஹோபார்ட் விமானம் $111 ஆகவும், பெர்த்-அடிலெய்டு விமானம் $219 ஆகவும் குறைக்கப்பட்டுள்ளது.
மேலும், பல வெளிநாட்டு பயணங்களுக்கான கட்டணத்தை குறைக்க ஜெட்ஸ்டார் முடிவு செய்துள்ளது.
அதன்படி, பிரிஸ்பேன்-ஆக்லாந்து விமானத்திற்கு $259 ஆகவும், பெர்த்-பாலி விமானத்திற்கு $269 ஆகவும், சிட்னி-ஃபுகெட் விமானத்திற்கு $439 ஆகவும் கட்டணம் கணிசமாகக் குறைக்கப்பட்டுள்ளதாகக் குறிப்பிடப்பட்டுள்ளது.
நாளை (புதன்கிழமை) நள்ளிரவு 12 மணி முதல் 48 மணி நேரத்திற்கு இந்த முன்பதிவு செய்யலாம்.
