வடகிழக்கு ஸ்பெயினில் பார்சிலோனா நகரின் வடக்கே அமைந்துள்ள மோயா நகர விமான நிலையம் அருகே 2 இலகுரக விமானங்கள் ஒன்றுடன் ஒன்று மோதி கொண்டன.
இதில் ஒரு விமானம் விமான நிலையத்தின் அருகே மரங்கள் நிறைந்த பகுதியில் விழுந்து தீப்பற்றியுள்ளது.
அந்த விமானத்தை முதலில் மீட்புப் படையினர் கண்டுபிடித்து தீயை அணைத்தனர். அந்த விமானத்தில் பயணித்த இருவரும் சடலமாக மீட்கப்பட்டுள்ளனர்.
நீண்ட தேடுதல் பணிக்கு பிறகு இரண்டாவது விமானத்தை கண்டுபிடித்துள்ளனர். அதில் பயணித்த 2 நபர்களும் உயிரிழந்துள்ளனர்.
2 விமானங்களும் நடுவானில் மோதிக் கொண்டதாக அதிகாரிகள் தெரிவித்துள்ளனர்.
இது தொடர்பாக பொலிஸார் மேலதிக விசாரணையை தீவிரமாக மேற்கொண்டு வருகின்றனர்.
நன்றி தமிழன்
