ஐ.பி.எல். கிரிக்கெட் தொடரின் நேற்றை 2வது போட்டியில் ராஜஸ்தான் ரோயல்ஸ் அணி மற்றும் சன்ரைசர்ஸ் ஐதராபாத் அணி மோதின.
அதன்படி, முதலில் துடுப்பெடுத்தாட களமிறங்கிய ராஜஸ்தான் அணியின் தொடக்க ஆட்டக்கார யஷஸ்வி ஜெய்ஸ்வால் 18 பந்தில் 2 சிக்சர், 5 பவுண்டரி உட்பட 35 ஓட்டங்கள் எடுத்து ஆட்டமிழந்தார்.
அடுத்து இறங்கிய அணித்தலைவர் சஞ்சு சாம்சன் ஜோஸ் பட்லருடன் ஜோடி சேர்ந்தார். இந்த ஜோடி 2-வது விக்கெட்டுக்கு 138 ஓட்டங்களை சேர்த்தது.
இருவரும் ஐதராபாத் பந்துவீச்சை நாலாபுறமும் சிதறடித்தனர். ஜோஸ் பட்லர் 59 பந்தில் 95 ஓட்டத்தில் அவுட்டானார்.
இறுதியில், ராஜஸ்தான் அணி 20 ஓவரில் 2 விக்கெட் இழப்புக்கு 214 ஓட்டங்கள் குவித்தது. சஞ்சு சாம்சன் 66 ஓட்டத்துடன் ஆட்டமிழக்காமல் இருந்தார்.
இதையடுத்து, 215 ஓட்டங்கள் எடுத்தால் வெற்றி என்ற இலக்குடன் ஐதராபாத் அணி களமிறங்கியது.
இதில், அதிகபட்சமாக அபிஷேக் சர்மா 29 பந்துகளில் 55 ஓட்டங்கள் எடுத்தார்.
தொடர்ந்து, ராகுல் திரிபாதி 47 ஓட்டங்களும், அன்மோல்ப்ரீத் சிங் 33 ஓட்டம், ஹெயின்ரிச் கிளாசன் 26 ஓட்டங்களும், கிளென் பிலிப்ஸ் 25 ஓட்டங்களும், அப்துல் சமாத் 11 ஓட்டங்களும், எய்டன் மார்க்ரம் 6 ஓட்டங்களும், மார்கோ ஜான்சன் 3 ஓட்டங்களும் எடுத்தனர்.
அப்துல் சமான் மற்றும் மார்கோ ஜான்சன் ஆகியோர் அவுட்டாகாமல் விளையாடினர்.
இந்நிலையில், ஆட்டத்தின் முடிவில் 20 ஓவரில் 6 விக்கெட் இழப்பிற்கு 217 ஓட்டங்கள் எடுத்து ஐதராபாத் அணி அசத்தலாக வெற்றிப்பெற்றுள்ளது.
நன்றி தமிழன்
