Appleக்கு நிகரான Google Pixel Tablet - விலை எவ்வளவு தெரியுமா?

கூகுள் பிக்சல் டேப்லட் மாடலின் விலை அமேசானில் லிக் ஆகியதோடு, அதன் சிறப்பம்சங்கள் பற்றிய தகவல்களும் கிடைத்துள்ளன.

கூகுள் பிக்சல் டேப்லட் மாடல் இன்னும் சில தினங்களில் நடைபெற இருக்கும் நிலையில், கூகுள் I/O 2023 நிகழ்வில் அறிமுகம் செய்யப்பட இருக்கிறது.

இந்த நிகழ்வில் பிக்சல் 7a, பிக்சல் போல்டு மற்றும் ஆண்ட்ராய்டு 14 ஓஎஸ் சார்ந்த அறிவிப்புகளும் வெளியாகவுள்ளன. கூகுள் நிறுவனம் கடந்த ஆண்டு நடைபெற்ற நிகழ்வில் இது பற்றிய தகவல்களை வெளியிட்டது.

அமேசானில் லீக் ஆன தகவல்கள் இதை தொடர்ந்து, கூகுள் பிக்சல் டேப்லெட் பற்றிய ரகசியமான விவரங்கள் இணையத்தில் லீக் ஆகியுள்ளது.

புதிய டேப்லட் மாடல் ஆப்பிள் டேப்லட் மாடலுக்கு போட்டியை ஏற்படுத்தும், என தொழில் நுட்ப வட்டாரங்கள் தெரிவிக்கின்றன. இந்நிலையில் கூகுள் பிக்சல் டேப்லட் விலை குறித்த தகவல்கள், அமேசான் ஜப்பான் வலைதளத்தில் தவறுதலாக லீக் ஆகியுள்ளன.

இதன் விலை இந்திய விலை மதிப்பில் ரூ. 48331 எனவும், அமெரிக்கா டொலர் மதிப்பில் 590 டொலர் எனவும் தெரிய வந்துள்ளது.