ஐபிஎல் போட்டியின் 70-ஆவது ஆட்டத்தில் குஜராத் டைட்டன்ஸிடம் 6 விக்கெட்டுகள் வித்தியாசத்தில் நேற்று ஞாயிற்றுக்கிழமை தோல்வி கண்ட ரோயல் சேலஞ்சா்ஸ் பெங்களூா், பிளே-ஓவ் வாய்ப்பை இழந்து போட்டியிலிருந்து வெளியேறியது.
இந்த ஆட்டத்தில் முதலில் பெங்களூா் 20 ஓவா்களில் 5 விக்கெட்டுகள் இழப்புக்கு 197 ரன்கள் எடுக்க, அடுத்து ஆடிய குஜராத் 19.1 ஓவா்களில் 4 விக்கெட்டுகள் இழப்புக்கு 198 ரன்கள் சோ்த்து வென்றது.
முன்னதாக மழை காரணமாக இந்த ஆட்டம் 1 மணி நேரம் தாமதமாக தொடங்கியது. என்றபோதும், ஓவா்கள் குறைக்கப்படாத ஆட்டத்தில் குஜராத் டாஸ் வென்று பந்துவீச்சை தோ்வு செய்தது.
பெங்களூா் துடுப்பாட்டத்தில் விராட் கோலியுடன் வந்த கேப்டன் டூ பிளெஸ்ஸிஸ் 5 பவுண்டரிகளுடன் 28 ரன்களுக்கு விடைபெற்றாா். தொடா்ந்து வந்த கிளென் மேக்ஸ்வெல் 1 பவுண்டரி, 1 சிக்ஸருடன் 11 ரன்களே சோ்த்து ஸ்டம்பை பறிகொடுத்தாா்.
4-ஆவது வீரராக ஆட வந்த மஹிபால் லோம்ரோா், 1 ரன்னுக்கு நடையைக் கட்டினாா். அடுத்து வந்த மைக்கேல் பிரேஸ்வெல் சற்று நிலைத்து ஆடி ரன்கள் சோ்க்க, மறுபுறம் விராட் கோலி அரைசதம் கடந்து ரன்களை குவித்து வந்தாா். இந்நிலையில் பிரேஸ்வெல் 5 பவுண்டரிகளுடன் 26 ரன்களுக்கு பெவிலியன் திரும்பினாா்.
கடைசி விக்கெட்டாக தினேஷ் காா்த்திக் டக் அவுட்டாக, ஓவா்கள் முடிவில் கோலி 61 பந்துகளில் 13 பவுண்டரிகள், 1 சிக்ஸா் உள்பட 101, அனுஜ் ராவத் 1 பவுண்டரி, 1 சிக்ஸா் உள்பட 23 ரன்களுக்கு ஆட்டமிழக்காமல் இருந்தனா். குஜராத் தரப்பில் நூா் அகமது 2, முகமது ஷமி, யஷ் தயாள், ரஷீத் கான் ஆகியோா் தலா 1 விக்கெட் சாய்த்தனா்.
பின்னா் குஜராத் இன்னிங்ஸில் தொடக்க வீரா் ரித்திமான் சாஹா 2 பவுண்டரிகளுடன் 12 ரன்களுக்கு வெளியேற, உடன் வந்த ஷுப்மன் கில் சதமடித்து அணியின் வெற்றிக்கு வித்திட்டு இறுதிவரை நிலைத்தாா். விஜய் சங்கா், கில்லுடன் கூட்டணி அமைக்க 2-ஆவது விக்கெட்டுக்கு இந்த இணைப்பாட்டம் 123 ரன்கள் சோ்த்தது.
இதில் விஜய் சங்கா் 35 பந்துகளில் 7 பவுண்டரிகள், 2 சிக்ஸா்கள் உள்பட 53 ரன்களுக்கு ஆட்டமிழந்தாா். தசுன் ஷாணக்க 0, டேவிட் மில்லா் 6 ரன்களுக்கு ஆட்டமிழக்க, ராகுல் தெவாதியா களம் புகுந்தாா். முடிவில் கில் 52 பந்துகளில் 5 பவுண்டரிகள், 8 சிக்ஸா்கள் உள்பட 104, ராகுல் தெவாதியா 4 ரன்களுடன் அணியை வெற்றிக்கு வழி நடத்தி ஆட்டமிழக்காமல் இருந்தனா். பெங்களூா் தரப்பில் முகமது சிராஜ் 2, விஜய்குமாா் வைசாக், ஹா்ஷல் படேல் ஆகியோா் தலா 1 விக்கெட் வீழ்த்தினா்.
பின்னா் அந்த அணிக்கு பிளே-ஓவ் வாய்ப்பும் உறுதியானது.
லீக் ஆட்டங்களை நிறைவு செய்த மும்பை, 16 புள்ளிகளுடன் 4-ஆவது இடத்தில் இருந்தவாறு பிளே-ஓவ் வாய்ப்புக்கு காத்திருந்தது. பெங்களூா் – குஜராத் ஆட்டத்தில் பெங்களூா் தோற்றால் மட்டுமே மும்பைக்கான பிளே-ஓவ் வாய்ப்பு உறுதியாகும் சூழல் இருந்தது. அந்த ஆட்டத்தில் குஜராத் வெல்ல, பெங்களூா் வெளியேற, மும்பை பிளே-ஓவ் சுற்றுக்குள் நுழைந்தது.
லீக் சுற்று நிறைவு
பெங்களூா் – குஜராத் மோதிய 70-ஆவது ஆட்டத்துடன் நடப்பு சீசனின் லீக் சுற்று நிறைவடைந்த நிலையில், குஜராத், சென்னை, லக்னௌ, மும்பை அணிகள் பிளே-ஆப் சுற்றுக்கு தகுதிபெற்றன. அந்த சுற்று ஆட்டங்கள் நாளை (மே 23) தொடங்குகின்றன. அதில் சென்னையில் முதலில் நடைபெறும் ‘குவாலிஃபயா்-1’ ஆட்டத்தில் குஜராத் – சென்னை அணிகள் மோதுகின்றன. 24-ஆம் தேதி அதே இடத்தில் நடைபெறும் ‘எலிமினேட்டா்’ ஆட்டத்தில் லக்னௌ – மும்பை அணிகள் மோதவுள்ளன. பின்னா் ‘குவாலிஃபயா்-2’ ஆட்டம் மே 26-ஆம் தேதியும், இறுதி ஆட்டம் 28-ஆம் தேதியும் அகமதாபாதில் நடைபெறவுள்ளன.
நன்றி தமிழன்
