சீனாவில் வேகமாக பரவி வரும் புதிய வகை கொரோனா திரிபை கட்டுப்படுத்த அந்நாட்டு சுகாதாரத்துறை அதிகாரிகள் தீவிர முயற்சியில் ஈடுபட்டுள்ளனர்.
பொது மக்களுக்கு தடுப்பூசி செலுத்தும் பணிகளை அதிகாரிகள் வேகமாக மேற்கொண்டு வருவதாக தெரிவிக்கப்பட்டுள்ளது.
ஜூன் மாதத்தில் புதிய வகை கொரோனா வைரஸ் பாதிப்பு உச்சத்தை அடையும் என கணிக்கப்பட்டுள்ளது.
கடந்த ஏப்ரல் மாதம் முதலே, ஒமிக்ரான் திரிபு புதிய XBB வகை கொரோனா திரிபு மூலம் அந்நாட்டு மக்கள் பாதிக்கப்பட்டு வருகின்றனர்.
புதிய XBB திரிபு ஒமிக்ரான் BA.2.75 மற்றும் BJ.1 ஆகியவற்றின் ஹைப்ரிட் திரிபு ஆகும். இது BA.2.75 திரிபு விட அதிவேகமாக பரவுவதோடு, நோய் எதிர்ப்பு திறனை வீரியம் கொண்டு அழிக்கும் திறன் கொண்டுள்ளது.
நோய் எதிர்ப்பு மண்டலம் XBB திரிபை கண்டறிய அதிக நேரம் எடுத்துக் கொள்ளும். புதிய திரிபு வேகமாக செயல்பட்டு ஒருவருக்கு எளிதில் பாதிப்பை ஏற்படுத்தி விடும். கொரோனா தொற்றின் புதிய திரிபு தேசத்தில் மிகப்பெரும் பாதிப்பை ஏற்படுத்தும் என தெரிவிக்கப்பட்டுள்ளது.
இதனை எதிர்கொள்ள சீனா அரசாங்கம் தயார் நிலையில் இருப்பதாக தகவல் வெளியாகியுள்ளது.
