இங்கிலாந்து- அவுஸ்திரேலியா பெண்கள் அணிகள் இடையிலான ஆஷஸ் டெஸ்ட் போட்டி நாட்டிங்காமில் இடம்பெற்றது.
இதில் முதல் இன்னிங்சில் முறையே அவுஸ்திரேலியா 473 ஓட்டங்களும், இங்கிலாந்து 463 ஓட்டங்களும் எடுத்தன.
10 ஓட்டம் முன்னிலையுடன் 2-வது இன்னிங்சை தொடங்கிய அவுஸ்திரேலியா 3-வது நாள் முடிவில் 19 ஓவர்களில் விக்கெட் இழப்பின்றி 82 ஓட்டங்கள் எடுத்திருந்தது. போப் லிட்ச் பீல்ட், பெத் மூனி களத்தில் இருந்தனர்.
இதையடுத்து நேற்று நடைபெற்ற 4-வது நாளில் அவுஸ்திரேலிய அணி தனது 2-வது இன்னிங்சில் 78.5 ஓவர்களில் 257 ஓட்டங்களில் ஒல் அவுட்டானது.
இதையடுத்து 268 ஓட்டங்கள் எடுத்தால் வெற்றி என்ற இலக்குடன் இங்கிலாந்து அணி தனது 2-வது இன்னிங்சை தொடங்கியது.
நேற்றைய 4-வது நாள் போட்டிநேர முடிவில் இங்கிலாந்து அணி 28 ஓவர்களில் 5 விக்கெட்டுகள் இழப்புக்கு 116 ஓட்டங்கள் எடுத்தது. அந்த அணியில் டேனி வியாட் 20 ஓட்டத்துடனும் கேட் கிராஸ் 5 ஓட்டத்துடனும் களத்தில் இருந்தனர்.
இதையடுத்து 5-வது நாள் போட்டி இன்று நடைபெற்றது. தொடர்ந்து துடுப்பெடுத்தாடிய இங்கிலாந்து அணி 49 ஓவர்களில் அனைத்து விக்கெட்டுகளையும் இழந்து 178 ஓட்டங்கள் மட்டுமே எடுத்தது.
இதன் மூலம் அவுஸ்திரேலிய பெண்கள் அணி 89 ஓட்டங்கள் வித்தியாசத்தில் வெற்றி பெற்று டெஸ்ட் தொடரை கைப்பற்றியது.
அவுஸ்திரேலிய தரப்பில் ஆஷ்லே கார்ட்னர் 8 விக்கெட்டுகளை வீழ்த்தி அசத்தினார்.
நன்றி தமிழன்
