அமெரிக்காவின் பல பகுதிகளில் புயலுடன் கூடிய கனமழை பெய்யும் என வானிலை ஆய்வு மையம் எச்சரிக்கை விடுத்திருந்தது.
அதன்படி இண்டியானா, இல்லினாய்ஸ், டென்னசி மற்றும் ஜார்ஜியா ஆகிய மாகாணங்களில் கடுமையான புயல் வீசியது.
மணிக்கு 150 கிலோமீற்றர் வேகத்தில் வீசிய இந்த புயலால் அங்கு ஏராளமான மரங்கள், மின்கம்பங்கள் சரிந்து விழுந்தன. மேலும் பல வீடுகளுக்கும் சேதம் ஏற்பட்டுள்ளது.
இதன் காரணமாக அமெரிக்காவில் சுமார் 2 இலட்சத்து 70 ஆயிரம் வீடுகள் மின்சாரம் துண்டிக்கப்பட்டு இருளில் மூழ்கின.
சில பகுதிகளில் அடுத்த வாரம் வரை இதே நிலை தொடரும் எனதெரிவிக்கப்பட்டுள்ளது.
இதனால் அங்கு மக்களின் இயல்பு வாழ்க்கை வெகுவாக பாதிக்கப்பட்டுள்ளது.
நன்றி தமிழன்
