மத்தியப் பிரதேசம் சித்ரகூட் பகுதியில் அமைந்துள்ள அனுமன் கோயில் அப்பகுதி பிரசித்தி பெற்ற கோயிலாக திகழ்கிறது.
அதற்குக் காரணம் இந்த கோயிலில் வழங்கப்படும் பிரசாதம் தான். அனுமனுக்கு நைவேத்தியமாகக் கஞ்சா படைக்கப்படுகிறது.
மேலும், அனுமனுக்கு படைக்கப்பட்ட கஞ்சா கோயிலுக்கு வரும் பக்தர்களுக்குப் பிரசாதமாகவும் வழங்கப்படுகிறது.
பொதுவாக அனுமன் கோயில்களில் பிரசாதமாகவும், நைவேத்தியமாகவும் லட்டு, பூந்தி, அடை அல்லது துளசி போன்றவை தான் முதன்மையான பிரசாதமாக வழங்கப்படும்.
ஆனால் இந்த கோயிலில் வித்தியாசமாகக் கஞ்சா வழங்கப்படுகிறது. மேலும், ஸ்ரீ ராமர் வனவாசம் சென்றிருந்த போது குறிப்பிட்ட காலத்திற்குச் சித்திரகூடத்தில் வசித்தார் என்று கூறப்படுகிறது.
அதனையடுத்து இந்த பகுதியில் அனுமனுக்கு கோயில் கட்டப்பட்டதாகக் தெரிவிக்கப்பட்டுள்ளது.
அனுமான் சாலீஸாவை பாராயணம் செய்வதில் பிரசித்தி பெற்ற கோயில்களில் சித்திரக் கூட ஆஞ்சநேயர் கோயிலும் ஒன்று.
கஞ்சா பிரசாதம் என்பது சிவபெருமான் மற்றும் ஆஞ்சநேயர் இருவரையுமே மகிழ்ச்சியாக்கும் என்ற நம்பிக்கை இப்பகுதி மக்களிடையே இருக்கிறது.
நன்றி தமிழன்
