2018 ஆம் ஆண்டு விண்ணில் ஏவப்பட்ட பார்க்கர் நாசா விண்கலம், சூரியனுக்கு மிக அருகில் நெருங்கிச் சென்றதாக நாசா தெரிவித்துள்ளது. பூமியிலுள்ள சகல உயிரிகளின் ஆற்றலுக்கான ஆதாரமாக விளங்கும் சூரியனை ஆய்வு செய்வதற்கு , நீண்ட காலமாகவே முயற்சிகள் மேற்டிகள்ளப்பட்டு வருகின்றன.
அமெரிக்காவில் விண்வெளி ஆய்வு நிறுவனமான நாசா சூரியனுக்கு மிக அருகில் சென்று ஆராயும் வகையில் ‘பார்க்கர்’ என்ற விண்கலத்தை கடந்த 2018 ஆம் ஆண்டு ஒகஸ்ட் 12 இல் விண்ணில் ஏவியது.
சூரியனிலிருந்து வெளிவரும் வெப்ப புயலுக்கான ஆதாரம் காந்த அலை செயற்பாடுகள் உள்ளிட்டவற்றை ஆராய அனுப்பப்பட்ட இவ்விண்கலம் கடந்த ஜீன்27 இல் 5.3 மில்லியன் தூரத்தில் சூரியனை நெருங்கிச் சென்றதாக நாசா தெரிவித்துள்ளது.
இதுவரை சூரியனை நெருங்கிச் சென்றதிலேயே மிக நெருக்கமான தூரம் இது என தெிரிவிக்கப்பட்டுள்ளது.
தொடர்ந்து அடுத்த மாதம் 21 ஆம் திகதி வீனஸ் கிரகத்தின் ஈர்ப்பு சக்தியோடு ‘பார்க்கர்’ விண்கலம் 4.5 மில்லியன் மைல் தூரம் சூரியனை நெருங்கிச் செல்லவுள்ளது.
தற்போது சூரியனின் வெப்ப அலை பகுதியை நெருங்கிய போதும் பாதிப்பின்றி செயல்பட்டு வரும் இந்த விண்கலம், அடுத்த மாதம் 4.5 மில்லியன் மைல் அருகில் சென்றும் பிரச்சனையின்றி செயற்பட்டால் , சூரியனின் ஆற்றலுக்கான ஆதாரம் மற்றும் செயற்பாடுகளை அறிய முடியுமென விஞ்ஞானிகள் தெரிவிக்கின்றனர்.
நன்றி தமிழன்
