நேற்றிரவு நடைபெற்ற அவுஸ்திரேலியா மற்றும் இங்கிலாந்து மகளிர் கால்பந்தாட்ட அணிகளுக்கிடையிலான போட்டியின் பின்னர் மெல்போர்ன் மற்றும் சிட்னியில் வன்முறையாக நடந்துகொண்ட பார்வையாளர்களுக்கு எதிராக சட்ட நடவடிக்கை எடுக்கப்பட்டுள்ளது.
மெல்போர்னின் கூட்டமைப்பு சதுக்கத்தில் மிகவும் வன்முறை சம்பவங்கள் பதிவாகியுள்ளன.
அந்த இடத்தில் 10,000க்கும் மேற்பட்டோர் திரண்டனர்.அவுஸ்திரேலியா 3-1 என்ற கோல் கணக்கில் தோல்வியடைந்ததை அடுத்து அவர்கள் அமைதியின்றி நடந்து கொண்டதாக கூறப்படுகிறது.
இதன்படி, 16 வயதுக்கும் 23 வயதுக்கும் இடைப்பட்ட 04 இளைஞர்களுக்கு தலா 962 டொலர் அபராதம் விதிக்கப்பட்டுள்ளதுடன், சிசிடிவி காட்சிகளை ஆராய்ந்த பின்னர் அடையாளம் காணப்பட்ட ஏனைய நபர்களுக்கு எதிராக சட்ட நடவடிக்கை எடுக்கப்படும்.
இதேவேளை, போட்டியின் பின்னர் சிட்னி ரயிலை சேதப்படுத்திய இருவருக்கு எதிராக குற்றப்பத்திரிகை தாக்கல் செய்யப்பட்டுள்ளது.
சிட்னி ஒலிம்பிக் மைதானத்தில் போட்டியை காண வந்த ஏராளமானோர் ரயில்கள் இல்லாததால் சிரமத்திற்கு ஆளானதாக கூறப்படுகிறது.
சிலர் இன்று காலை 01 மணி வரை ரயிலில் ஏறுவதற்கு காத்திருக்க வேண்டிய நிலை ஏற்பட்டுள்ளதாக தகவல்கள் தெரிவிக்கின்றன.
நேற்றிரவு சிட்னியில் ரயில் தாமதம் குறித்து விசாரணை நடத்தப்படும் என்று நியூ சவுத் வேல்ஸ் பிரதமர் கிறிஸ் மின்ன்ஸ் உறுதிப்படுத்தியுள்ளார்.
