மாடில்டாஸ் அல்லது ஆஸ்திரேலிய மகளிர் கால்பந்து அணிக்கும் இங்கிலாந்து மகளிர் கால்பந்து அணிக்கும் இடையிலான நேற்றைய அரையிறுதிப் போட்டி பார்வை சாதனைகளை முறியடித்தது.
2001 ஆம் ஆண்டிலிருந்து, அதாவது தற்போதைய டிவி பார்வையாளர்கள் கணக்கெடுப்பு அமைப்பு தொடங்கிய 22 ஆண்டுகளுக்குப் பிறகு, இதுவே அதிகம் பார்க்கப்பட்ட நேரலை நிகழ்வாக மாறியுள்ளது.
அதன்படி நேற்றைய போட்டியை சராசரியாக 7.13 மில்லியன் பார்வையாளர்கள் நேரலையில் கண்டுகளித்ததோடு, உச்சகட்டமாக 11.15 மில்லியன் பார்வையாளர்கள் பதிவு செய்யப்பட்டுள்ளனர்.
நேற்றைய போட்டியை சுமார் 6.17 மில்லியன் மக்கள் தொலைக்காட்சியில் பார்த்ததாகவும், சுமார் 957,000 பேர் ஆன்லைனில் பார்த்ததாகவும் கூறப்படுகிறது.
அதன்படி நேற்றைய போட்டி இணையத்தில் ஒரே நேரத்தில் நாட்டிலேயே அதிக எண்ணிக்கையிலான மக்களால் பார்க்கப்பட்ட நிகழ்வாக மாறியுள்ளது.
நேற்று இங்கிலாந்துக்கு எதிராக 1க்கு 3 கோல்கள் என்ற கணக்கில் தோல்வியடைந்த மாடில்டாஸ் அவுஸ்திரேலிய மகளிர் கால்பந்தாட்ட அணி, இப் போட்டியில் 03வது இடத்துக்காக எதிர்வரும் சனிக்கிழமை சுவீடனுடன் போட்டியிடவுள்ளது.
அன்று மாலை 05.30 மணிக்கு ஆரம்பமாகும்.
மகளிர் உலகக் கோப்பையின் இறுதிப் போட்டி இங்கிலாந்து மற்றும் ஸ்பெயினுக்கு இடையே சிட்னி ஒலிம்பிக் பூங்காவில் ஞாயிற்றுக்கிழமை இரவு 07:00 மணிக்கு நடைபெறவுள்ளது.
