நியூ சவுத் வேல்ஸ் மாநிலத்தில் சுகாதாரச் செலவுகளுக்காக ஆண்டுதோறும் 33 பில்லியன் டாலர்கள் ஒதுக்கீடு செய்வது தொடர்பாக விசாரணை தொடங்கியுள்ளது.
12 மாதங்கள் நீடிக்கும் இந்த விசாரணை ஆணையத்தின் தலைவராக மூத்த வழக்கறிஞர் ஒருவர் நியமிக்கப்பட்டுள்ளார்.
நியூ சவுத் வேல்ஸ் சுகாதார அமைச்சர் ரியான் பார்க், சுகாதாரத் துறையில் அதிக செலவினங்களை ஏற்படுத்தும் பகுதிகளை கண்டறிந்து, அங்குள்ள கழிவுகளை குறைக்க ஆவலுடன் இருப்பதாக சமீபத்தில் தெரிவித்தார்.
மாநில வரவு செலவுத் திட்டத்தில் கிட்டத்தட்ட மூன்றில் ஒரு பங்கு சுகாதார அமைப்பிற்காக செலவிடப்படுவதாகவும், செலவழிக்கும் ஒவ்வொரு டாலரையும் அத்தியாவசியத் துறைகளுக்கு மட்டுமே பயன்படுத்துவதே தற்போதைய தொழிலாளர் கட்சி அரசாங்கத்தின் நோக்கமாகும் என்றும் அவர் மேலும் கூறினார்.
கழிவுகளை குறைப்பதன் மூலம் மருத்துவமனை ஊழியர்கள் மற்றும் நோயாளிகளுக்கு சிறந்த சுகாதார அமைப்பை உருவாக்குவதே இதன் நோக்கம் என நியூ சவுத் வேல்ஸ் சுகாதார அமைச்சர் ரியான் பார்க் மேலும் சுட்டிக்காட்டினார்.
இருப்பினும், நியூ சவுத் வேல்ஸ் மருத்துவ சங்கம் விசாரணையைத் தொடங்குவதற்கு எதிர்ப்புத் தெரிவித்துள்ளது.
முன்னணி சுகாதார சேவைகளில் வெட்டுக்கள் இருக்கும் என்று மருத்துவர்கள் குற்றம் சாட்டுகின்றனர்.
