தெற்கு அவுஸ்திரேலியாவின் பொதுப் பள்ளி ஆசிரியர்கள் எதிர்வரும் வெள்ளிக்கிழமை செப்டம்பர் 1ஆம் திகதி ஒரு நாள் வேலை நிறுத்தத்தில் ஈடுபட தீர்மானித்துள்ளனர்.
ஆசிரியர் சங்கப் பிரதிநிதிகள் மத்தியில் நேற்று இடம்பெற்ற வாக்கெடுப்பில் 80 வீதமானோர் பிரேரணைக்கு ஆதரவாக வாக்களித்துள்ளதாக தெரிவிக்கப்படுகின்றது.
ஊதிய உயர்வு மற்றும் ஆசிரியர்களுக்கு கூடுதல் ஆதரவு வழங்க வேண்டும் என்ற கோரிக்கைக்கு மாநில அரசிடம் இருந்து நல்ல பதில் கிடைக்காததே இதற்கு காரணம்.
இதனிடையே, வரும் வெள்ளிக்கிழமை குழந்தைகளை வீட்டில் வைத்திருக்க வேண்டும் அல்லது குழந்தை காப்பகத்திற்கு அனுப்ப வேண்டும் என ஆசிரியர் சங்கப் பிரதிநிதிகள் பெற்றோர்களிடம் கேட்டுக் கொண்டுள்ளனர்.
இருப்பினும், அன்றைய தினம் எந்த குழந்தையும் தடுக்கப்பட மாட்டாது என்று தெற்கு ஆஸ்திரேலிய மாநில கல்வித்துறை உறுதியளிக்கிறது.
