2018 ஆம் ஆண்டு முதல் குயின்ஸ்லாந்து மாநிலத்திற்கு மிக அதிகமான காட்டுத்தீ எச்சரிக்கை விடுக்கப்பட்டுள்ளது.
இன்னும் சில வாரங்களில் தெற்கு குயின்ஸ்லாந்தின் பல பகுதிகளில் தினசரி வெப்பநிலை 33 டிகிரியை தாண்டும் என்று கணிக்கப்பட்டுள்ளது.
மின்னல் காரணமாக காட்டுத் தீ ஏற்படும் அபாயம் கணிசமாக அதிகமாக இருக்கும் என்றும் கணிக்கப்பட்டுள்ளது.
இதற்கிடையில், அக்டோபர் மற்றும் மார்ச் மாதங்களுக்கு இடையில் ஏற்படக்கூடிய சூறாவளி நிலைமைகளை எதிர்கொள்ள தயாராக இருக்குமாறு நியூ சவுத் வேல்ஸ் மாநில அரசு அம்மாநில மக்களை அறிவித்துள்ளது.
கடந்த ஆண்டு இந்த நேரத்தில், நியூ சவுத் வேல்ஸ் 14,000 க்கும் மேற்பட்ட புயல் தொடர்பான பேரழிவுகளை சந்தித்தது.
கடந்த ஆண்டை விட இந்த ஆண்டு இயற்கை பேரிடர் அபாயம் குறைந்துள்ளதாக வானிலை ஆய்வு மையம் கணித்துள்ளது.
எவ்வாறாயினும், இது தொடர்பில் மக்கள் அவதானமாக இருக்க வேண்டும் என எச்சரிக்கை விடுக்கப்பட்டுள்ளது.
மேலும் சூறாவளி மட்டுமல்லாது வெள்ள அபாயமும் ஏற்படக்கூடும் என வானிலை ஆய்வு மையம் கணித்துள்ளது.
