ஐக்கிய அரபு எமிரேட்ஸில் உள்ள இலங்கையர் ஒருவர் 20 மில்லியன் திர்ஹம் (சுமார் 175 கோடி இலங்கை ரூபாய்) லாட்டரி வெற்றியைப் பெறும் அதிர்ஷ்டத்தைப் பெற்றுள்ளார்.
துரைலிங்கம் பிரபாகர் என்ற இலங்கையர் அபுதாபி பிக் டிக்கட் லொத்தரியின் முதல் பரிசை பெற்றுள்ளதுடன், அந்த சீட்டின் இரண்டாம் பரிசை இந்திய பிரஜையான செல்வராஜ் தங்கையன் பெற்றுள்ளார்.
துரைலிங்கம் 16 ஆண்டுகளுக்கு முன்பு ஐக்கிய அரபு எமிரேட்ஸில் குடியேறி, அபுதாபி பிக் டிக்கெட் லாட்டரி நடத்திய விளம்பரத்தில் வெற்றிக்கான டிக்கெட்டை வாங்கினார்.
துரைலிங்கம் தனது லாட்டரி வெற்றியினால் எதிர்காலத்தில் பல மாற்றங்கள் நிகழும் எனவும், நற்செய்தி கிடைத்த அதிர்ச்சி இன்னும் இருப்பதாகவும் தெரிவித்துள்ளார்.
மேலும், வெற்றிபெறும் நம்பிக்கையில் 5 வருடங்களாக நண்பர்களுடன் சேர்ந்து பிக் டிக்கெட் லொத்தரியை வாங்கியதாக துரைலிங்கம் தெரிவித்துள்ளார்.
