வாஷிங்டன் – நியூயார்க் தாக்குதல் நடந்து இன்றுடன் 22 ஆண்டுகள் நிறைவடைகிறது.
செப்டம்பர் 11, 2001 அன்று, அமெரிக்க நேரப்படி காலை 8:46 மணிக்கு, முதல் விமானம் நியூயார்க்கில் உள்ள உலக வர்த்தக மையத்தின் வடக்கு கோபுரத்தில் மோதியது.
சில நிமிடங்களுக்குப் பிறகு, பயங்கரவாதிகளால் கடத்தப்பட்ட விமானம் தெற்கு கோபுரத்தில் மோதியது. 3வது விமானம் அமெரிக்க நேரப்படி காலை 09:37 மணிக்கு வாஷிங்டனில் உள்ள பென்டகன் கட்டிடத்தில் தரையிறங்கியது.
கடத்தப்பட்ட 4 ஆவது விமானம் அன்றைய தினம் காலை 10.03 மணியளவில் பென்சில்வேனியா மாகாணத்தில் வயல்வெளியில் விழுந்து நொறுங்கியதாகவும் அதன் இலக்கு வெள்ளை மாளிகை அல்லது கேபிடல் கட்டிடமாக இருக்கலாம் என பின்னர் தெரியவந்துள்ளது.
இந்தத் தொடர் பயங்கரவாதத் தாக்குதலில் 2977 பொதுமக்களும், தாக்குதலுக்குப் பொறுப்பேற்ற அல்-கொய்தாவைச் சேர்ந்த 19 பேரும் கொல்லப்பட்டனர்.
செப்டம்பர் 11 தாக்குதலுக்குப் பிறகுதான் அமெரிக்கா ஆப்கானிஸ்தானில் பதுங்கியிருந்த பயங்கரவாதிகளைக் குறிவைத்து ராணுவ நடவடிக்கைகளைத் தொடங்கியது. இருப்பினும், அந்த நடவடிக்கைகள் 20 ஆண்டுகளுக்குப் பிறகு 2021 இல் முடிக்கப்பட்டன.
