சூரியனைப் போன்ற நட்சத்திரம் ஒன்று புதிதாக பிறந்துள்ளதாக நாசா தகவல் வெளியிட்டுள்ளது.
இதற்கு சான்றாக நாசாவின் ஜேம்ஸ் வெப் தொலைநோக்கியினால் எடுக்கப்பட்ட புகைப்படம் ஒன்றினையும் நாசா வெளியிட்டுள்ளது.
பிரபஞ்சத்தின் இரகசியத்ங்களை அறிய இந்த ஆண்டு அமெரிக்காவின் நாசாவினால் ஜேம்ஸ் வெப் தொலைநோக்கியானது விண்ணுக்கு ஏவப்பட்டுள்ளது.
ஜேம்ஸ் வெப் தொலைநோக்கியும் சூரிய குடும்பத்திற்கு வெளியே வெகு தொலைவில் இருக்கும் நட்சத்திர கூட்டங்களை துல்லியமாக படம் பிடித்து பூமிக்கு அனுப்பி வைத்து வருகிறது.
இந்நிலையில், ஒரு புதிய நட்சத்திரம் உருவாகியிருப்பதனை ஜேம்ஸ் வெப் தொலைநோக்கி அடையாளம் கண்டு அதன் புகைபடத்தை தற்போது அனுப்பி நாசா விஞ்ஞானிகளை ஆச்சரியப்பட வைத்திருக்கிறது.
இந்த நட்சத்திரம் அதிக நிறை உடையதாகவும் துருவப் பகுதியில் இருந்து சூடான காற்றை வெளியேற்றி வருவதாகவும், புகைப்படத்தை வைத்து நாசா விஞ்ஞானிகள் ஆய்வு செய்து முடிவு வெளியிட்டுள்ளனர்.
இந்த நட்சத்திரம் முழுமையாக உருவானதன் பின் அது சூரியனை போன்ற தோற்றம் கொண்டதாக இருக்கும் என்றும்.
சூரியன் உருவாகும் போது எப்படி இருந்ததோ அதை போன்ற வடிவத்தில் இந்த நட்சத்திரம் இருப்பதாகவும் நாசா விஞ்ஞானிகள் தெரிவிக்கின்றனர்.
இதனால் இந்த நட்சத்திரத்திற்கு குழந்தைச் சூரியன் (Baby Sun) என விஞ்ஞானிகள் பெயரிட்டுள்ளார்கள்.
