விக்டோரியாவின் பிரீமியர் டேனியல் ஆண்ட்ரூஸ், கோவிட் தொற்றுநோய்களின் போது விஷயங்களைக் கையாண்ட விதம் குறித்து தொடங்கப்பட வேண்டிய விசாரணையை முழுமையாக ஆதரிப்பதாகக் கூறுகிறார்.
தொற்றுநோய் காலத்தில், அரசாங்கத்தின் செயல்பாடுகள் குறித்து மட்டும் கவனம் செலுத்தாமல், எதிர்கால நடவடிக்கைகள் குறித்தும் கவனம் செலுத்த வேண்டும் என்று அவர் குறிப்பிட்டார்.
ராயல் கமிஷன் மூலம் இந்த விசாரணை நடத்தப்பட வேண்டும் என பிரதமர் ஸ்காட் மொரிசன் கருத்து தெரிவித்திருந்தார்.
எவ்வாறாயினும், அரச ஆணைக்குழுவின் கீழ் விசாரணைகளை மேற்கொள்வதற்கு அதிக கால அவகாசம் தேவைப்படுவதால், தற்போதைய பிரதமர் அந்தோனி அல்பானீஸ் சுயாதீன குழுவொன்றின் மூலம் விசாரணைகளை நடத்த தீர்மானித்துள்ளார்.
12 மாத விசாரணையில் அப்போதைய மத்திய அரசு, மாநில அரசுகள் மற்றும் உள்ளூர் அதிகாரிகள் தொற்றுநோயை எவ்வாறு கையாண்டார்கள் என்பது குறித்து ஆராயப்படும்.
மேலும், சில நிபுணர் ஆலோசனைகளை புறக்கணித்த குற்றச்சாட்டுகள் குறித்து பொது விசாரணை நடத்தப்பட உள்ளது.
இந்த விசாரணைக்கு அரச ஆணைக்குழு மற்றும் அதிகாரங்கள் இல்லையென்றாலும், பொறுப்பான தரப்பினரை வரவழைத்து ஆதாரங்களைப் பெற வாய்ப்பு உள்ளது.
எதிர்காலத்தில் இவ்வாறானதொரு நிலைமையை எதிர்கொள்வதில் போதிய தடுப்பூசிகள் இல்லாமை மற்றும் மருந்துப் பற்றாக்குறையைத் தடுப்பது சாத்தியமா என்பது குறித்து கவனம் செலுத்தும்.
